నిరంతరాన్వేషణ ================ అన్యాక్రాంతమైన ఆనందంకోసం అన్వేషణ మొదలెట్టాను అంతటా నైరాశ్యమే ఎదురొచ్చి స్వాగత వచనాలు వల్లించింది. నవ్వులన్నీ నాజూకుగా ఎక్కడికి తప్పుకున్నాయో ఎంత వెదికినా జాడ బోధపడడంలెదు. చిరుమందాహాసాలకూ చిక్కుముడులు తప్పినట్లు లేదు వడివడిగా అవీ నాముందుగనే పరుగలుదీస్తూ వెడలిపోయాయ్. అందుకే ఈనిరంతరాన్వేషణను నిరవధికంగా వాయిదావేసి మళ్ళీ వాస్తవజగత్తులోకి ఒంటరిగా పయనించడం మొదలెట్టాను. పత్తేదారుగా రూపం మార్చుకుని అదేపనిగా శోధన సాగిస్తున్నాను. అపరాధం కాకపోయినా ఈ అన్వేషణ సత్ఫలితాలనేఇస్తుందన్న ప్రగాఢ విశ్వాసంతో-- ===============================