ఆగమనాభిలాష
-------------------రావెల


నువ్వున్నావన్న ధ్యాసతోనే
వసంతాన్నాహ్వానిస్తున్నా!

ఆరు రుతువుల్లోనూ ఏకాగ్రతతో
నీ ధ్యానముద్రలోనే గడిపేస్తున్నా!

ధ్యాస వొకటీ ధ్యానమొకటీ కాకుండా
తగు జాగ్రత్తలు ఎప్పటికప్పుదు తీసుకుంటున్నా!

మనిషీ మనసూ ఏకమయాయని తెలిసాక
ఏ ప్రాణికయినా పాణిగ్రహణమే మేలని తలపోస్తున్నా!

మ్రోడు వారిన జీవలతికనైనా
నిరంతరం నీరుపోసి భద్రంగా పోషిస్తున్నా!

ఏ నాటికయినా అది చిగురుస్తుందన్న
ఆశతోనే అనవరతం శ్వాసిస్తున్నా!!
===========================