యశసార్ధకృతే
==================
కాలమాన పరిస్థితుల దృష్ట్యా
కరగని రాయిలాంటి గుండెలు కలిగిన
బండరాళ్ళలాంటీ మనుషులను
చూడగలిగాముకానీ
మనసును రాయిచేసుకుని
బ్రదుకునుసాగదీసుకునే
మనుషులకోసమే
ఈ నిరంతరాన్వేషణ.
మనసుకూ మనిషి గుండెకూ
జరూరుగా చక్కని రహదారి
యేర్పరచగలిగితే
కవిజన్మ ధన్యమైనట్లు.
రాళ్లనుసైతం కరిగించగల
కవితలనల్లగలిగితే
కవితాలోకం కలకాలం
నిత్య జవ్వనిగా శోభిస్తుంది.
పదికాలాలపాటు ప్రయోజనకారిగా
పరోపకార పరాయణత్వంతో
ప్రతిభాసమన్వితయై
రాజిల్లుతుంది.
========================
No comments:
Post a Comment