Thursday, April 30, 2015
జన్మదినజగదేక కవితామూర్తికి==
--------------------------------రావెల
ఆకాశంలో నిప్పులు జిమ్మే
అగ్ని కెరటం నేలకు
రాలిపడుతుందని
ఎంతగానో భావించాను
నా ఊహ ఊరికే తుస్సుమంది,
మహా ప్రస్థానం
మధ్య దారిలోకొచ్చి
నిర్జీవమై నిలబడుతుందని
ఆశావహంగా ఎదురు చూసాను
కనీ అది నిరాటంజంగా సాగిపోయి
నన్ను నిరాశా నిస్పృజలకు
నిండా మునిగిపోయేలా జేసి
నిష్క్రమించంకుండా ఉండిపోయింది.
ఈశతాబ్దం నాది అన్నవాడు
అక్కడికే పరిమితమై పోతాడని
ఎంతగానో ఆశించి భంగపడి
కృంగి కృశించిపోతున్నాను,
జనహృదయ విజేతగా
అధోజగత్సహోదరులకు
వెన్నంటి అనవరతం నిలిచే
కవిగా రవిగా
కన్నులముందే కలకాలం
ప్రభవించే ప్రతిభా శాలిగా
ప్రతి ప్రభాతాన
ప్రభవించే ఉద్యమ గీతంలా
నినదిస్తున్న సిరి సిరిమువ్వకు
స్నిగ్ధ కవితా సూర్యునికి
నీరాజనాల
విష్పులింగం.
====================================
Subscribe to:
Post Comments (Atom)
No comments:
Post a Comment