సజీవ శిల్పసుందరులారా--
+++++++++++++++++++++++++++++++
ఆగండి ఒక్క క్షణం!!
మీరు వేదికలనెక్కి
పిల్లినడకలు ప్రారంభించేముందుగా
ఒక్క క్షణం ఆలో చించండి.

ఆకాశo  అంచులు అందుకోవాలని
తపన పడుతున్న తారల్లారా
తరుణొపాయంకోసం !!
తప్పని సరిగా ఎదురుచూడండి.

శీథాకాలంలోమీరు
చిరునవ్వులు చిందిస్తున్నా
మాగుండె ఆచలికి గడ్డకట్టుకుని
ఘనీభవించే అపాయంపొంచివుంది సుమా!!

శరదృతు హేమంతాలలో
సన్నిహితంగా మీరొచ్చి
చలినికూడా మావంట్లోనే
గడ్డకట్టించేభంగిమలు
మాత్రం ప్రదర్శించకండి.

గ్రీష్మం అడుగెడితే గిరిగీసుకుని
మీ నివాసాల్లోనే ఆగిపోకoడి
ఆహుతులైన ప్రేక్షకులపై
అమృతవర్షం కురిపించి
మలయమారుతాలను రప్పించి
వారిని పునీతులను గావించండి.

వర్షర్తువులో దయాసాగరాలై
అధోజగత్సహోదరుల
ఆనవాళ్ళను గుర్తించి
మీకరుణామృతఝరులను
వారున్న దిశగా ప్రవహింపజేసి
అందానికో అర్ధముందని
అక్షరాలా ఋజువుచేయండి.
==========================