లోవెలుగులు
=======రావెల పురుషోత్తమరావు
ఎదురుపడగానే
ఎదలోతులను స్పృశిస్తూ
ఆప్యాయతను వర్షించగానే
అభిమానపు సంద్రమై మురుస్తూండే
నా అంతరంగం ,నాకే
ఆశ్చర్యాన్ని కలిగిస్తుంది .
బాహిరకమైన చీకట్లు
లోవెలుగులకు, నింపాదిగా
దారి చూపిస్తున్న వైనం.
బరితెగించిన
బాధలుకూడా
సమయస్పూర్తితో
సంతోష సామ్రాజ్యానికి
సేతువులు నిర్మిస్తున్న చందం
నన్ను అప్రతిభుణ్ణి గావిస్తుంటాయి
పల్లె తల్లి వొడిలో
మురిసి మెరిసి
వికసించిన వాణ్ణి.
పట్టణపు తెలిమబ్బుల
సందడి లో
తలొంచుంకు
కాలం వెల్లదీస్తున్నాను .
యేవెలుగులకీ ప్రస్థానమని
ఎవరైనా
ఎప్పుడయినా అడిగితే
లోవెలుగులచెంతకు
శీఘ్రంగా చేరుకునే
చిరు ప్రయత్నమేయిదని
వింగడించి, వివరంగా
విడమరిచి చెప్తాను
*************
15-1-2014
No comments:
Post a Comment