యధాతధంగా
----------------రావెల పురుషోత్తమ రావు.

ప్రపంచపు పోకడలు
ఉన్నదున్నట్లుగా యదాతధంగా
స్వీకరించుకోవడం అలవాటు చేసుకుందాం.

ఉద్వేగాలనూ,  ఉత్తేజాలనూ
చీకటి వెలుగులనూ
సంతోషాలనూ, సంతాపాలనూ
ప్రణయాన్నీ, ప్రళయాన్నీ
సత్యాన్నీ అసత్యాన్నీ
అలానే ఉన్నదున్నట్లు గా స్వీకరించి
పరిశీలనగా గమనలోకి తీసుకుందాం!

కాలపు రేపటి భవితవ్యానికి ఊపిరులూదే
ఉచ్చ్వాస నిశ్వాసాలు
ఇవ్వళ మనం వేసే పునాదులపైనే
ఆధారపడివుంటున్నదన్న వాస్తవాన్ని
ఉరకలు బెట్టే యువతరం కని సాకారంజేసుకునే
స్వప్నాలపైనే నిర్మితమౌతుందన్న నిజాన్ని గమనిద్దాం.

అనురాగపు,ఆత్మీయతాజ్యోతులను ఇవ్వాళే మన ముంగిళ్ళలో
వెలిగించుకునే ప్రక్రియంకు మనం ఇప్పటికిప్పుడే నాందీ వచనం పలుకగలితే
సౌహార్దానికీ సౌబ్రాతృవానికీ శుభాశీసులు అనంతంగా అనవరతo లభిస్తాయి!
********************************************************************************