ప్రభూ!మహాపభూ!!
=================================


కనులముందు నీవు సాక్షాత్కరిస్తే
కన్నీటితో నీ పాదాలను
 కడగాలనుంది ప్రభూ!

శిశిరంలో మ్రోడుబారిన తరువులకు
వసంతం రాగానే హరితశోభలలమినట్లు
మళ్ళీ నీవు సాక్షాత్కరిస్తే
సానుతాపాలనన్నింటినీ సంతోషసాగరాలవైపు
సప్రశ్రయంగామళ్ళించుకోవాలనుంది ప్రభూ!

కాలవాహిని కడలిప్రవాహంలో
కరగని శిలల్లా అట్టడుగునబడి
మిగిలిపోయిన జ్ఞాపకాలను
మధుర స్మృతులుగా మలచుకుని
జీవితాన్ని సాఫల్య దిశగా
మరల్చుకోవాలన్న ఆశే
 ఆఖరి శ్వాసగా మిగిలిపోయింది మహా ప్రభూ!!
=========================================