కలనైనా నీ వలపే కలవరమందైనా
నీ తలపే ----
--------------------------
ఎప్పుడు నీ ముఖారవిందాన్ని దర్శించాలన్నీ
అన్నింటికన్నా ముందే అవరోధాలు సమాయత్తమౌతుంటాయి.

అభ్యంగనావిష్కృతమైన నీ నగుమోముకెప్పుడు చేరువవాలన్న
ఆ జలుబు తుమ్ములు నన్ను వెనక్కి వెళ్ళిపొమ్మని శాసిస్తుంటాయ్.

ఎప్పుడు నీ హృదయకమలానికి దగ్గరగా జరుగుదామన్న
ఆగుండె వేగవంతంగా వినిపించే డప్పు చప్పుడులు నన్ను దూరంగా నెట్టేస్తాయ్.

ఎప్పుడునిన్ను వదనగ్రంధంలోకి తొంగిచూసి ఇష్టపడినట్లు
ప్రత్యక్షంగా ప్రకటిద్దామన్నా నన్ను అందులోకి చొరబడుతున్న
దొంగలా నన్ను చుట్టేసి బయటకు చిత్తగించమని తాఖీదులు
జారీ చేసి కంగారుపెడుతుంటుంతుంది.
 ఇక ఈ మెయిళ్ళ సంగతి సరేసరి నీ పాస్ వర్డ్ సరిచూసుకోమని
హెచ్చరిస్తూ అదృశ్యరూపం దాలుస్తూం ది.ఇక ఈ ప్రవాసమే మేలనుకుంటూ ఓ పుస్తకాన్ని దొరకబుచ్చుకుని క్షణాల్లో నిద్రలోకి జారుకుని కలనైనా నీ వలపే కలవరమందైనా
నీ తలపే ననుకుంటూ మరోప్రభాతంవైపు ఆశగా దృష్టిని నిలుపుకుంటాను.

=================================================