ఆ అనారోగ్యం అమిత భాగ్యదాయకం
----------------------------రావెల పురుషోత్తమ రావు,

పేదరికం
'ఎబోలా'ను పొగడడం మొదలెట్టింది;
దానిపై అవ్యాజానురాగం వెల్లివిరిసికాదండీ!!
ప్రతినిత్యం ఆకలితో అలమటిస్తూ
అడుగడుగునా దాని ప్రవేశాన్ని ప్రతిఘటిస్తూ
మృత్యు వొడిలోకి వెళ్ళిరావడంకన్నా,
అకస్మాత్తుగా క్షణాల్లో అదృశ్యం  గావించే 
అల్ల వుద్దీన్ అద్భుత దీపంలాంటి
ఆ  జబ్బే వూహకతీతంగాని ,సందర్భోచితమౌ  పరిణామాన్ని
అందించగల సత్తా దానికే వున్నదన్న నమ్మకంతోనే సుమా!