చేదు పాట
=============

ఉగాది సంబరంకోసం
వెదుకులాట మొదలయింది.
మరుగవుతున్న మానవత్వానికి
మరణ శిక్ష ఖాయమయేలా వున్నది.

మయసభలా మారిన
 ఉగాది సంబరాలవేదిక
పల్లెతనాన్ని విస్మరించమని
పదే పదే హెచ్చరిస్తున్నది.

పిచ్చుకల కాకుల గుంపులోకి
మీరూ వచ్చికలిసి పోండని
 కమ్మని పాటలకోయిలమ్మలకు
అప్పటికే ఆహ్వానం అందిపోయిందని
కంగారుపడుతున్న వాటికంఠాలే
ఇందుకు దాఖలాగా నిలుస్తున్నవి.

ఇంకెక్కడ ఉగాది?
ఇకముందు అంతర్జాలంలో
చూసి మాత్రమే మురిసిపొండని
భావి కాలం గుర్తు చేస్తున్నది.

====================