అస్తవ్యస్తంగానే----
_______________
మబ్బులుకమ్మిన ఆకాశంలో
తళుక్కున మెరిసే తటిల్లతలా ఆమె.
రణగొణ ధ్వనులుజేస్తూ
రసరమ్య రాసిక్యానికి
పిడుగుపాటులా ప్రవర్తిస్తూ నేను.

యే మిన్నేటి గంగో ఇద్దరినీ
 కలిపేందుకు రావాలి.
అప్పటిదాకా ఏకాంతనూ మనసులోకి
చొరనివ్వకుండా రక్షక భటుడిలా
కాపలా కాస్తూ అంతరంగ మధనంలో నేను.

ఆపసోపాలు పడుతూ అవ్యక్త బాధామయ
జగత్తులో మత్తుగా మరణిస్తూన్న అనుభూతిలో
అస్తవ్యస్తం గా క్రిందుమీదలుగా పొర్లిగింతలతో
పోరాట పటిమను ప్రదర్శిస్తూ పోహళింపుల పులకింతలతో తను.
యే మిన్నేటి గంగో ఇద్దరినీ
 కలిపేందుకు రావాలి ఇకతప్పదు.
లేదా ఏ మిన్నాగో కాటువేసే దాకా
నిరీక్షణ పర్వాన్ని నిభాయించుకు రావాలి తప్పదు.
===========================================